У Мінскай вобласці ў анлайн-рэжыме будуць адсочваць работу сельгастэхнікі, паведаміў карэспандэнту БЕЛТА начальнік упраўлення механізацыі і інвестыцый камітэта па сельскай гаспадарцы і харчаванні Мінскаблвыканкама Васіль Сысоеў.
У Мінскай вобласці ў анлайн-рэжыме будуць адсочваць работу сельгастэхнікі, паведаміў карэспандэнту БЕЛТА начальнік упраўлення механізацыі і інвестыцый камітэта па сельскай гаспадарцы і харчаванні Мінскаблвыканкама Васіль Сысоеў.
"З дапамогай датчыкаў сачэння, устаноўленых на рухавіках трактароў, будзем у анлайн-рэжыме назіраць за ворыва, гэта значыць падрыхтоўкай глебы пад сяўбу азімых культур. Праграму ўсталююць на кампутар ужо 24 ліпеня, так што ў бліжэйшы час зможам асабіста прама з Мінска адсочваць работу кожнага раёна вобласці", - распавёў Васіль Сысоеў.
Па яго словах, датчыкі дазволяць правесці аналіз загрузкі трактара, ацаніць яго работу, адзначыць, колькі гадзін ён быў у полі, які аб'ём работы выканаў, ці мелі месца прастоі і несанкцыянаваны зліў.
Укараненне такога ноу-хау стала магчымым дзякуючы з'яўленню новых трактароў у гаспадарках вобласці: усяго плануецца закупіць 150, з іх 44 ужо паступілі ў распараджэнне аграрыяў.
Таксама ў бягучым годзе парк збожжаўборачнай тэхнікі рэгіёна папоўніцца 150 дзевяцікорпуснымі абаротнымі плугамі (з іх 9 ужо на прадпрыемствах). У гэтым годзе ў вобласці з'явілася 64 новыя кормаўборачныя камбайны і 100 збожжаўборачных.