У свеце фантазій

Необычнае бачанне навакольнай рэчаіснасці прадставіла ў сваіх працах мастачка-афармляльніца РЦК, кіраўніца гурткоў «Квілінг» і «Выцінанка» Ірына Атрашкевіч.

Необычнае бачанне навакольнай рэчаіснасці прадставіла ў сваіх працах мастачка-афармляльніца РЦК, кіраўніца гурткоў «Квілінг» і «Выцінанка» Ірына Атрашкевіч. Яе персанальная выстава адкрылася ў Доме рамёстваў. У адных карцінах – пост-імпресіанісцкі адмова ад дэталізацыі і імкненне да абагульнення вобразаў, у іншых – прамаляваныя дробязі, уласцівыя паслядоўнікам натуралізму. Гэтая мастачка на суд лепяльчан вынесла багаты свет жывапісу. Рознае настрой Ірына фарбамі перадала ў карцінах з аднолькавым сюжэтам «Напалеон». А прыхільнікі заснавальніка мадэрну аўстрыйскага жывапісу Густава Клімта змаглі ацаніць яго «Францужанку» ў выкананні лепяльскай мастачкі. Знайшоў сваё месца на выставе і такі від мастацтва, як габелен. Асобны куток занялі працы яе выхаванцаў – юных майстрыц гуртка «Квілінг» і «Выцінанка».

Ірына – выпускніца Віцебскага дзяржаўнага вучылішча мастацтваў. Скончыла завочнае аддзяленне Беларускага дзяржаўнага інстытута культуры і мастацтваў. Культуролаг, мастацтвазнаўца, выкладчык – такую спецыяльнасць атрымала дзяўчына ў вышэйшай навучальнай установе.

Прымяняла яна свае тэарэтычныя веды прама на практыцы – вяла гурток выяўленчага мастацтва «Палітра». Дарэчы, у гэты час была і сама вучаніцай: майстэрству габелена ў гуртку, адкрытым пры Доме рамёстваў, яе навучала Вольга Ганчар. Цяпер Ірына дзецям раскрывае сакрэты мастацтва вырабу плоскіх і аб’ёмных кампазіцый са скручаных у спіралькі доўгіх і вузкіх палосак паперы, а таксама фігурнага выразання.

У тых, хто жадае ўбачыць выставу Ірыны «У свеце фантазій», ёсць час яшчэ да канца лютага.