Цёплыя словы чатыром жанчынам, чые малышы з'явіліся ў знамянальны дзень 15 студзеня, адрасавалі намеснік старшыні аблвыканкама Вячаслаў Дурноў і начальнік галоўнага ўпраўлення па ахове здароўя аблвыканкама Міхаіл Вішневецкі.

– Гэта свята не толькі ў сям'і, але і свята для ўсіх нас, – адзначыў Вячаслаў Дурноў. – Гэта, сапраўды, выдатна, што ў такі дзень – 85-годдзя Віцебскай вобласці на Віцебшчыне нарадзіліся 20 малышоў. Яны – тыя, хто наступныя 85 гадоў будзе праслаўляць нашу вобласць. Мы вельмі спадзяемся, што дзеці вырастуць моцнымі, здаровымі, моцнымі, умейлымі людзьмі. На пачатку іх жыццёвага шляху нам вельмі прыемна падарыць ім падарункі. І на працягу свайго жыцця яны будуць адчуваць падтрымку, бо ў нас сацыяльна-арыентаваная дзяржава, і вельмі многае робіцца для падтрымкі сем'яў: і тых, у каго з'яўляецца першае дзіця, і шматдзетных. Спіс прэферэнцый вельмі вялікі, і думаю, што нашым маладым людзям павінна быць не страшна нараджаць і выхоўваць дзіця, а вельмі надзейна, бо яны пад абаронай дзяржавы. У рэгіёнах падтрымаюць нашу ініцыятыву, і ўсе мамы, якія нарадзілі дзяцей у святочны для Віцебскай вобласці дзень, атрымаюць падарункі.

У гэты дзень віншаванні прымалі Святлана Яскевіч, Таццяна Цалко, Наталля Красоўская і Ксенія Савасцьянава.
Як паведаміла карэспандэнту «ВВ» галоўны ўрач Віцебскага абласнога клінічнага радзільнага дома Алена Леановіч, ва ўстанове 15 студзеня з'явіліся чацвёра дзяцей: 3 дзяўчынкі і адзін хлопчык. Сімвалічна тое, што іх бацькі прадстаўляюць розныя куткі Віцебшчыны - Богушэўск, Наваполацк, Паставы і Сенна. Усяго ў гэты дзень у Віцебскай вобласці з'явілася на свет 20 дзетак – 7 хлопчыкаў і 13 дзяўчынак.

Крыніца: vitebsk-region.gov.by