Работу па папярэджанні дзіцячага траўматызму на дарозе супрацоўнікі ДАІ працягнуць і пасля завяршэння СКМ «Увага дзеці!». Спецыяльнае комплекснае мерапрыемства праводзілася з 25 жніўня па 5 верасня.
Работу па папярэджанні дзіцячага траўматызму на дарозе супрацоўнікі ДАІ працягнуць і пасля завяршэння СКМ «Увага дзеці!». Спецыяльнае комплекснае мерапрыемства праводзілася з 25 жніўня па 5 верасня.
Супрацоўнікі Дзяржаўтаінспекцыі нагадалі дзецям і дарослым асноўныя правілы бяспечных паводзін на дарогах. Праводзіліся рэйды сумесна са СМІ.
Сумесна з камандамі юных інспектараў дарожнага руху праведзены шэраг прафілактычных акцый, накіраваных на прафілактыку дарожна-транспартных здарэнняў, падчас якіх сярод удзельнікаў дарожнага руху распаўсюджваліся ўлёткі прафілактычнага характару і святлоадбівальныя элементы.
Нягледзячы на праводзімую працу, інфармаванне ўдзельнікаў дарожнага руху праз сродкі масавай інфармацыі, да гэтага часу на дарогах сустракаюцца недысцыплінаваныя кіроўцы. За час правядзення мерапрыемства на тэрыторыі раёна супрацоўнікамі ДАІ: спынена 62 факты кіравання кіроўцамі транспартнымі без уключэння блізкага святла фар; за парушэнне правілаў перавозкі дзяцей прыцягнута да адказнасці 8 кіроўцаў; за няпрадастаўленне перавагі пешаходам на пазначаных пешаходных пераходах прыцягнута да адказнасці 6 кіроўцаў, за кіраванне ў стане алкагольнага ап'янэння прыцягнуты 1 кіроўца. На тэрыторыі Лепельскага раёна дарожна-транспартных здарэнняў з удзелам дзяцей не зарэгістравана. Дзяржаўтаінспекцыя працягне працу па папярэджанні дзіцячага траўматызму, аддаючы прыярытэт кантролю за выкананнем правілаў перавозкі непаўналетніх, кіроўцаў, якія не прадаставілі перавагу для руху пешаходам на пешаходных пераходах.