У аддзяленні сацыяльнай рэабілітацыі абілітацыі інвалідаў ТЦСАН Лепельскага раёна адбылася дыялогавая пляцоўка, на якой сустрэліся прадстаўнікі розных службаў і людзі з інваліднасцю.

Кожны мог задаць хвалюючае пытанне, выказаць прапанову або агучыць праблему наўпрост спецыялістам і кіраўніцтву раёна.

Абмяркоўвалі: стварэнне камфортнага безбар'ернага асяроддзя, якасць сацыяльных і медыцынскіх паслуг. Дыялог прайшоў у атмасферы поўнай узаемнай павагі і жадання знайсці лепшыя рашэнні.

Ключавы пасыл сустрэчы выразна абазначыла намеснік старшыні Лепельскага райвыканкама Вераніка Хомбак: «Дзяржава стварае ўсе ўмовы для рэалізацыі правоў людзей з інваліднасцю — у адукацыі, працаўладкаванні, грамадскім жыцці. Усе агучаныя сёння пытанні мы абавязкова возьмем у прапрацоўку. Галоўнае, што мы чуем адзін аднаго і дзейнічаем разам».

Такія сустрэчы — важны крок да сапраўднага ўзаемаразумення і паляпшэння якасці жыцця!