У аддзяленні сацыяльнай рэабілітацыі, абілітацыі інвалідаў ТЦСАН Лепельскага раёна адбылося святочнае мерапрыемства, прысвечанае святкаванню Новага года.

Не абышлося на свяце без падарункаў, дзе добрымі чараўнікамі сталі старшыня раённага Савета дэпутатаў Ігар Урбан і начальнік упраўлення па працы, занятасці і сацыяльнай абароне райвыканкама Марына Інцэмянцева, а таксама ГА «БелТІЗ».

Ігар Генадзьевіч павіншаваў з надыходзячымі святамі, пажадаў усіх даброт у новым годзе, моцнага здароўя, шчасця, міру і дабра і ўручыў загадчыцы аддзялення Зінаідзе Сімако сертыфікат на 100 рублёў.

А затым гледачы ўбачылі тэатралізаванае прадстаўленне «У казку добрую клічам!». Наведвальнікі аддзялення яшчэ раз даказалі, што валодаюць неабмежаванымі магчымасцямі, запалам і велізарным творчым патэнцыялам.

Удзячныя гледачы сустракалі творчыя нумары шчырымі ўсмешкамі і гучнымі апладысментамі.