Увесь комплекс пытанняў беларуска-расійскіх адносін абмяркуюць Прэзідэнт Беларусі Аляксандр Лукашэнка і Прэзідэнт Расіі Уладзімір Пуцін падчас рабочага візіту беларускага лідара ў Расійскай Федэрацыі. Пра гэта БЕЛТА паведамілі ў прэс-службе Прэзідэнта Беларусі.
Увесь комплекс пытанняў беларуска-расійскіх адносін абмяркуюць Прэзідэнт Беларусі Аляксандр Лукашэнка і Прэзідэнт Расіі Уладзімір Пуцін падчас рабочага візіту беларускага лідара ў Расійскай Федэрацыі. Пра гэта БЕЛТА паведамілі ў прэс-службе Прэзідэнта Беларусі.
Кіраўнік дзяржавы наведае далёкаўсходнія рэгіёны Расіі. На 12 красавіка запланавана сустрэча і перамовы з Прэзідэнтам Расіі Уладзімірам Пуціным. Лідары дзвюх краін у Дзень касманаўтыкі разам наведаюць касмадром "Усходні" у Амурскай вобласці, у узвядзенні інфраструктуры якога плануецца ўдзел і беларускіх спецыялістаў. Кіраўнікі дзяржаў азнаёмяцца з ходам будаўніцтва стартавага касмічнага комплексу, пагутаруюць з лётчыкамі-касманаўтамі і супрацоўнікамі касмадрома.
На касмадроме прэзідэнты ў фармаце адзін на адзін абмяркуюць актуальныя пытанні ў развіцці двухбаковых адносін, сумесныя меры па процідзеянні санкцыйнаму ціску з боку калектыўнага Захаду, абстаноўку ў рэгіёне і свеце, падзеі ва Украіне. Па выніках перамоваў кіраўнікі дзяржаў сустрэнуцца з прадстаўнікамі беларускіх і расійскіх сродкаў масавай інфармацыі.
Аляксандр Лукашэнка ў ходзе рабочага візіту таксама наведае Прыморскі край. У Владивастоку 13 красавіка адбудзецца сустрэча кіраўніка дзяржавы з губернатарам Прыморскага краю Алегам Кажамякам. Галоўнай тэмай перамоваў стане супрацоўніцтва Беларусі з далёкаўсходнім рэгіёнам Расіі. Дэлегацыі абмяркуюць рэалізацыю бягучых праектаў і новыя напрамкі ўзаемадзеяння. У прыватнасці, акцэнт будзе зроблены на пытаннях гандлю па шырокім спектры пазіцый і пастаўках рыбнай прадукцыі на беларускі рынак.
Плануецца, што Прэзідэнт таксама наведае востраў Рускі, дзе азнаёміцца з рэалізацыяй у Прыморскім краі шэрагу інфраструктурных і грамадска-культурных праектаў.
Крыніца: belta.by