У рамках навагодняй дабрачыннай акцыі «Ад усёй душы» настаўнікі Лепельскай дзіцячай школы мастацтваў наведалі аддзяленне кругласутачнага знаходжання для людзей пажылога ўзросту і інвалідаў "Святліца" у аграгарадку Камень

Падапечным аддзялення былі падрыхтаваны салодкія сюрпрызы, а таксама ў іх адрас прагучалі віншаванні з навагоднімі святамі, пажаданні моцнага здароўя, даўгалецця і дабрабыту.

Музычныя нумары падарылі Людміла Шыпуля і Аляксандр Міхно.

Таксама аддзяленне кругласутачнага знаходжання для людзей пажылога ўзросту і інвалідаў "Святліца" у аграгарадку Камень наведалі навучэнцы гімназіі ім. І.М. Ерашова г. Лепеля разам з дырэктарам установы адукацыі Святланай Карабань

Хлопцы падрыхтавалі для пажылых людзей канцэрт: гучалі душэўныя песні, а таксама не абышлося без запальных танцаў.