На раённым вытворча-збытавым участку філіяла “Энергазбыт” правялі сустрэчу з калектывам і прыём грамадзян галоўны прававы інспектар працы Віцебскай абласной арганізацыі Беларускага прафсаюза работнікаў энергетыкі, газавай і паліўнай прамысловасці Дзмітрый Красоўскі і тэхнічны інспектар працы Аляксандр Іванцоў

Дзмітрый Аляксандравіч падрабязна распавёў аб працягласці адпачынкаў, льготах членам прафсаюзаў, парадку падаўжэння кантрактаў, кампенсацыі пры службовых камандзіроўках, спыніўся на пытаннях аднаразовай выплаты на аздараўленне.

Як адзначыў прававы інспектар, падчас такіх сустрэч грамадзяне звяртаюцца з рознымі пытаннямі, напрыклад, якія тычацца прадастаўлення адпачынкаў без захавання заработнай платы, скасавання кантракту ў сувязі з паважлівымі прычынамі, льгот жанчынам, якія маюць непаўналетніх дзяцей, льгот членам прафсаюза і з іншымі пытаннямі, якія патрабуюць адказаў кваліфікаваных спецыялістаў.