11 студзеня, Мінск /Кар. БЕЛТА/. На Віцебшчыне ратавальнікі выцягнулі з лядовай вады яшчэ аднаго аматара падлёднай лоўлі, паведамілі карэспандэнту БЕЛТА ў дзяжурнай частцы МНС Беларусі. Трагедыяй магла скончыцца для 65-гадовага пенсіянера з вёскі Турава Сенненскага раёна рыбалка па першым лёдзе. У 15.54 10 студзеня ратавальнікі раённага падраздзялення МНС атрымалі сігнал аб тым, што ў возеры Сянно, за трыста метраў ад берага, тоне чалавек. Таўшчыня лёду на месцы здарэння не перавышала пяці сантыметраў. Супрацоўнікі пажарнай аварыйна-выратавальнай часці, якія прыбылі на месца, з дапамогай вяровак і разсоўнай лесвіцы выцягнулі рыбака, які знаходзіўся пры апошнім уздыху. Пацярпелы з моцным пераахаладжэннем дастаўлены ў мясцовую бальніцу.-0-

БЕЛТА