У мястэчку Арэхаўск Аршанскага раёна ў 2018 годзе плануюць наладзіць выпуск замарожаных ягад і агароднінных міксаў. Новая вытворчасць будзе запушчана ў сельскагаспадарчым філіяле "Цеплічны" РУП "Віцебскэнерга", паведаміў карэспандэнту БЕЛТА дырэктар філіяла Павел Фамінаў.
У мястэчку Арэхаўск Аршанскага раёна ў 2018 годзе плануюць наладзіць выпуск замарожаных ягад і агароднінных міксаў. Новая вытворчасць будзе запушчана ў сельскагаспадарчым філіяле "Цеплічны" РУП "Віцебскэнерга", паведаміў карэспандэнту БЕЛТА дырэктар філіяла Павел Фамінаў.
У "Цеплічным" завяршылася рэалізацыя буйнога інвестыцыйнага праекта па будаўніцтве энергазберагальных цяпліц для вырошчвання агародніны і зеляніны па галандскай тэхналогіі. У новых цяпліцах плошчай больш за 4 га ўжо атрымліваюць прадукцыю - агуркі, салат, кроп, пятрушку, базілік і інш. Пры гэтым на прадпрыемстве часткова дэмантавалі старыя цяпліцы, а на вызваленых некалькіх гектарах заклалі ягаднікі. "Вырошчваем 2 га клубніцы, паўгектара маліны, паўгектара ажыны, гектар чарніцы. Сёлета ўжо сабралі ўраджай. Прадалі каля 2,5 т свежых ягад. У перспектыве плануем усталяваць лінію замарозкі прадукцыйнасцю 1 тыс. т. Будзем замарожваць ягады, а таксама рыхтаваць замарожаныя агароднінныя міксы. Гэты інвестыцыйны праект плануем рэалізаваць у 2018 годзе", - распавёў Павел Фамінаў.
Што тычыцца новых цяпліц, то яны ўведзены ў эксплуатацыю гэтай восенню. У гандлёвую сетку ўжо адпраўлена 250 т агародніны. "Зімой мы будзем вырошчваць агуркі, летам - памідоры і круглы год атрымліваць зеляніну. Цяпер 90% агуркоў і зеляніны рэалізуецца ўнутры краіны, у асноўным пастаўкі ідуць у Мінск, Віцебск і Оршу. Экспартны напрамак - рынак Расіі. Цікавасць да нашай прадукцыі праяўляе і Польшча", - адзначыў дырэктар.
Галоўная перавага цяпліц у тым, што яны энергазберагальныя (пакаленне 4+). "Спажыванне цяпла практычна ў 2 разы менш, чым у звычайных. Гэта істотна, таму што пры вырошчванні агародніны ў закрытым грунце больш за 50% выдаткаў займаюць энергетычныя рэсурсы. Цяпліцы абсталяваны спецыяльнымі экранамі, сістэмай зашторывання і інш. Тэхналагічныя працэсы ўвязаны з праграмным забеспячэннем, што і дае эканомію энергетычных рэсурсаў", - дадаў суразмоўца.
Кіраўніца аддзялення філіяла Ірына Ірба расказала, што агародніна ў цяпліцах вырошчваецца ў рэжыме светлакультуры (дасвятленне 20 гадзін). "Тэхналагічныя працэсы аўтаматызаваны, але даглядаюць за раслінамі агароднікі. І гэта адыгрывае не апошнюю ролю ў нашым справе, таму што трэба правільна сфарміраваць расліну, сачыць за ёй, кожны дзень збіраць ураджай. І тут без клапатлівых рук не абысціся", - падзялілася кіраўніца.