У Віцебску сёння ўрачыста падвядуць вынікі працоўнай занятасці моладзі паўночнага рэгіёну "Працоўны семестр - 2020", паведамілі БЕЛТА ў абласным камітэце БРСМ.
У Віцебску сёння ўрачыста падвядуць вынікі працоўнай занятасці моладзі паўночнага рэгіёну "Працоўны семестр - 2020", паведамілі БЕЛТА ў абласным камітэце БРСМ.
"Студатрадаўскі рух - адзін з вядучых напрамкаў дзейнасці БРСМ. Па выніках працоўнага семестра ў Віцебскай вобласці ў складзе будаўнічых, сельскагаспадарчых, педагагічных, экалагічных, сэрвісных студэнцкіх атрадаў працавалі больш за 4,6 тыс. чалавек", - адзначылі ў абкаме арганізацыі.
Моладзь удзельнічала ва Усебеларускай маладзёжнай будоўлі "Горад маладосці - 2020", міжнародным вытворчым праекце "Атлант", узвядзенні сацыяльна значных аб'ектаў Віцебскай вобласці, была задзейнічана ў добраўпарадкаванні рэгіёнаў, працавала ў аздараўленчых лагерах. Сёння будуць вызначаны лепшыя маладыя кадры. Таксама ўзнагародзяць выдатных прадстаўнікоў валанцёрскага руху Віцебскай вобласці.
Партнёры і арганізатары мерапрыемства - абласны камітэт БРСМ і галоўнае ўпраўленне ідэалагічнай працы і па справах моладзі аблвыканкама.