У Віцебску 18-21 кастрычніка пройдзе фестываль моладзі прыгранічча "З чаго пачынаецца Радзіма?", паведамілі БЕЛТА ў Віцебскім дзяржуніверсітэце імя П.Машэрава.
У Віцебску 18-21 кастрычніка пройдзе фестываль моладзі прыгранічча "З чаго пачынаецца Радзіма?", паведамілі БЕЛТА ў Віцебскім дзяржуніверсітэце імя П.Машэрава.
На пляцоўках фестывалю адбудзецца конкурс медыяпраектаў "Калі скажуць слова "Радзіма", Расійска-Беларускі злёт маладых настаўнікаў, конкурс маладзёжных праектаў "Міжрэгіянальнае супрацоўніцтва" і праект "Дабро ствараю". Фестываль збярэ моладзь з усёй Віцебскай вобласці і розных гарадоў Расіі (Бранска, Улан-Удэ (Бурація), Томска, Омска, Энгельса, Яраслаўля, Валгаграда і Смаленска).
У праграме фестывалю культурна-забаўляльныя мерапрыемствы, экскурсіі для гасцей, адукацыйныя семінары і трэнінгі, круглыя сталы і дыскусійныя пляцоўкі, лекцыі і майстар-класы ад беларускіх і расійскіх спецыялістаў у розных галінах. Сярод экспертаў фестывалю бізнесмены, журналісты, педагогі, прадстаўнікі ўлады, рэжысёры, навукоўцы. Удзельнікі форуму абмяркуюць перспектывы ўзаемадзеяння моладзі рэгіёнаў Беларусі і Расіі, сучасныя методыкі выкладання і трэнды ў адукацыі, спецыфіку працы рэгіянальных СМІ і іншыя пытанні.
Арганізатарамі фестывалю выступілі Віцебскі абласны Савет дэпутатаў, прадстаўніцтва Рассупрацоўніцтва ў Беларусі, Смаленская грамадская арганізацыя Расійскай саюза моладзі і Віцебскі дзяржаўны ўніверсітэт імя П.М. Машэрава.