15 каманд ВНУ і ССНУ Прыдзвінскага краю аб’яднаў абласны этап рэспубліканскага прававога турніру «Сіла Закона» у Віцебску.
– Гэта ўжо чацвёрты сезон гульні, у якім навучэнцы сярэдніх спецыяльных навучальных устаноў і студэнты ВНУ праяўляюць свае веды ў галіне права. Важна, што ўдзельнікі турніру не навучаюцца на юрыдычных спецыяльнасцях, – адзначылі ў абласным камітэце БРСМ. – У ходзе гульні маладыя людзі прааналізавалі прававыя сітуацыі, разгорнута адказалі на пытанні па розных тэматыках, у тым ліку аб дзяржаўным устройстве і Канстытуцыі Беларусі, прававых асновах, гісторыі права, адукацыі, моладзевай палітыцы і інш.
Па выніках турніру пераможцы сярод вышэйшых навучальных устаноў, першае месца заняла каманда Віцебскага дзяржаўнага тэхналагічнага ўніверсітэта. На другім апынуліся хлопцы з Віцебскай дзяржаўнай акадэміі ветэрынарнай медыцыны. Трэцяе месца ў Віцебскага медыцынскага ўніверсітэта.
Сярод сярэдніх спецыяльных навучальных устаноў на першым месцы апынулася каманда філіяла БДТУ «Віцебскі дзяржаўны тэхналагічны каледж». На другім – Віцебскі дзяржаўны медыцынскі каледж імя акадэміка І. Антонава. Трэцяе месца падзялілі Віцебскі дзяржаўны каледж электратэхнікі і Віцебскі дзяржаўны тэхналагічны каледж.