Гашэнне маркі, прысвечанай гораду, адбылося 23 чэрвеня ў святочным Віцебску, перадае карэспандэнт БЕЛТА.
Гашэнне маркі, прысвечанай гораду, адбылося 23 чэрвеня ў святочным Віцебску, перадае карэспандэнт БЕЛТА.
Спецыяльны паштовы праект уключаў канверт "Першы дзень" і мастацкую паштовую марку, на якой выяўлены герб Віцебска, фрагмент мемарыяльнага комплексу на плошчы Перамогі, Летні амфітэатр, дом-музей М.Шагала па вул.Пакроўскай і скульптура "Скрыпка Шагала". Тыраж маркі склаў 48 тыс. экзэмпляраў.
У цырымоніі гашэння прынялі ўдзел старшыня Віцебскага гарвыканкама Віктар Мікалайкін, старшыня Віцебскага гарадскога Савета дэпутатаў Уладзімір Белявіча і дырэктар Віцебскага філіяла прадпрыемства РУП "Белпошта" Сяргей Максак.
Мэр Віцебска падкрэсліў, што дадзеная падзея з'яўляецца нагодай для гонару за свой горад для ўсіх яго жыхароў і арганічна ўпісваецца ў агульную праграму святкавання 1044-годдзя. Таксама ён звярнуў увагу на месца, дзе адбылася цырымонія гашэння - музей гісторыі народнага мастацкага вучылішча (адкрыўся 9 лютага). "Мы зрабілі вялікую і патрэбную справу, калі адкрылі яго. У поспеху не сумняваліся. І гэта пацвярджаюць лічбы: з моманту адкрыцця вучылішча яго сцены наведалі ўжо 3,5 тыс. чалавек", - адзначыў Віктар Мікалайкін.