У Віцебску ў абмеркаванні праекта Канстытуцыі Рэспублікі Беларусь узялі ўдзел супрацоўнікі Дэпартамента аховы

Старшыня абласнога Савета дэпутатаў Уладзімір Цярэнтаў наведаў Першамайскі аддзел аховы Віцебска.

Старшыня абласнога Савета дэпутатаў Уладзімір Цярэнтаў наведаў Першамайскі аддзел аховы Віцебска.
Уладзімір Уладзіміравіч прыбыў сюды з адказнай місіяй, на парадку дня стаяла абмеркаванне праекта змяненняў і дапаўненняў Канстытуцыі службовымі калектывамі абласнога ўпраўлення аховы і Першамайскага аддзела. У зале сабралася каля 150 чалавек як атэставаных супрацоўнікаў, так і грамадзянскага персаналу. Уладзімір Цярэнтаў адзначыў, што ён перакананы: супрацоўнікі міліцыі ў ліку першых прыйдуць на рэферэндум, бо ў абноўленым дакуменце ёсць нямала пунктаў, якія паўплываюць на паляпшэнне жыцця як іх саміх, так і іх дзяцей, унукаў. Уладзімір Уладзіміравіч адзначыў, што гаворка ідзе не пра новы дакумент, а пра паляпшэнне ўжо існуючага. Гэта нармальны працэс, бо ў іншых краінах постсавецкай прасторы такія змены таксама адбываюцца. Тры дзясяткі гадоў мы будавалі новую краіну – моцную і квітнеючую, прыйшоў час замацаваць добрыя традыцыі, якія ўдалося стварыць за гэты час на заканадаўчым узроўні.
У змененым законе будуць акрэслены не толькі правы нашых грамадзян, але таксама іх абавязкі. Тым не менш узмоцнены артыкулы сацыяльнай накіраванасці, якія тычацца правоў інвалідаў, пажылых людзей, сем'яў з дзецьмі.

Пандэмія, якая ўнесла складанасці ў наша паўсядзённае жыццё, прывяла да таго, што ў праекце асноўнага закона былі адзначаны абавязкі грамадзяніна па прыняцці мер па захаванні і ўмацаванні свайго здароўя.
Уладзімір Цярэнтаў адзначыў, што спадзяецца: пачутую на сустрэчы інфармацыю прысутныя абмяркуюць і ў сваіх сем'ях, у тым ліку з дзецьмі. Гэта будзе спрыяць павышэнню патрыятычнасці нашай моладзі. Бо менавіта маладым людзям у будучыні давядзецца захоўваць суверэнітэт нашай краіны.Як адзначыў начальнік абласнога ўпраўлення аховы Сяргей Мурашкін, іх калектывы не застаюцца ўбаку ад падзей, якія адбываюцца ў краіне. Радуе тое, што змены Канстытуцыі закранулі тыя артыкулы, якія датычацца правоў прадстаўнікоў сілавога блока.Паўтары гадзіны зносін праляцелі, як адно імгненне, настолькі ўважліва слухалі дакладчыка прысутныя. А ў завяршэнне мерапрыемства Сяргей Мурашкін уручыў Уладзіміру Цярэнтаву падзяку за плённае супрацоўніцтва.