11 сакавіка, Віцебск /Алена Ціханава - БЕЛТА/. Віцебскую вобласць у фінале адборачнага тура вакальных конкурсаў XXIII Міжнароднага фестывалю мастацтваў "Славянскі базар у Віцебску" прадставяць трое маладых выканаўцаў і трое зусім юных вакалістаў. Шасцёрка фіналістаў вызначылася сёння падчас рэгіянальнага тура, паведамілі карэспандэнту БЕЛТА ў Цэнтры культуры Віцебск.
Пераможцамі абласнога тура сярод дзяцей сталі Міхаіл Маскалёў, Вів'ен Сабі, Ніколь Фургал. У фінальным адборы конкурсу маладых выканаўцаў эстраднай песні возьмуць удзел Дар'я Васюковіч, Нэлі Багданава і Левон Кехваян.
Адбор на права ўдзелу ў дзіцячым музычным і конкурсе выканаўцаў эстраднай песні на рэгіянальным узроўні ў Віцебску праводзіцца ўпершыню. Лепшых вакалістаў па выніках выканання дзвюх песень у суправаджэнні фанаграмы "мінус адзін" вызначыла журы пад старшынствам дырэктара Віцебскай абласной філармоніі Алены Подоляк.-0-