На Віцебшчыне запланавана будаўніцтва буйнога мультыбрэндавага машынабудаўнічага завода, паведаміў генеральны дырэктар ПУП «Вітбудтэхмаш» Андрэй Сідараў.
«Вітбудтэхмаш» – маладое прадпрыемства, якое актыўна развіваецца і з'яўляецца самадастатковым. Яно знаходзіцца ў абласным цэнтры і больш вядома ў шырокіх колах як «Машынабудаўнічая кампанія «Віцебскія пад'ёмнікі», якая сёння з'яўляецца часткай холдынгу. Менш чым за 20 гадоў віцебскім машынабудаўнікам удалося прайсці шлях ад невялікага сэрвіснага прадпрыемства па рамонце грузапад'ёмнага абсталявання да буйнога вытворцы спецтэхнікі, дзе сёння працуе каля 330 чалавек.
– Сакрэт поспеху – жаданне ісці ў нагу з часам і падладжвацца пад патрэбы кліентаў. Наяўная сучасная тэхніка дазваляе выпускаць шырокую лінейку тэхнікі камунальнага і спецыяльнага прызначэння, для правядзення будаўніча-мантажных і іншых работ, абслугоўвання гор-электратранспарту і электрычных сетак: аўтагідрапад'ёмнікі з вышынёй пад'ёму ад 12 да 56 метраў, аўтакраны грузападымальнасцю ад 16 да 32 тон, краны-манапулятары, смеццявозы, бурыльныя ўстаноўкі. Нядаўна вырабілі машыну пажарную камбінаваную на базе полноприводного КамАЗа, – паведаміў Андрэй Сідараў. – Нашы магутнасці – звыш 4 тыс. адзінак машын і абсталявання. Мы здольныя выканаць любыя работы ў сваёй сферы, почынаючы ад праектавання і заканчваючы правядзеннем неабходных выпрабаванняў і пастаноўкай на канвеер.
«Вітбудтэхмаш» мае добрыя эканамічныя паказчыкі: аб'ёмы вытворчасці ў бягучым годзе павялічыліся на 60 % у параўнанні з аналагічным перыядам 2022-га, заработная плата – больш чым на траціну.
– Уведзена ў эксплуатацыю звыш 10 тыс. кв. м дадатковых вытворчых плошчаў. Больш за 5 млн долараў выдаткавана на набыццё высокаэфектыўнага тэхналагічнага абсталявання. Створаны дзясяткі працоўных месцаў. Мы актыўна ўдзельнічаем у шматлікіх дзяржаўных праграмах, рэалізацыі сацыяльных праектаў, у тым ліку дапамагаем дзіцячым садам і школам. Таксама ўзаемадзейнічаем з лепшымі ВНУ Беларусі і Расіі, каб займацца распрацоўкай інавацыйнай тэхнікі ў рамках навукова-даследчых работ у партнёрстве з імі, у тым ліку звязаных з імпартазамяшчэннем, – адзначыў генеральны дырэктар. – Вялікую ўвагу надаём прафарыентацыйнай дзейнасці: рэаліі такія, што будучых работнікаў трэба пачынаць гадаваць са школьнай парты. Таму мы з калегамі – частыя госці ва ўстановах адукацыі, ладзім для іх экскурсіі на прадпрыемства, каб разумелі, чым займаюцца машынабудаўнікі розных спецыяльнасцей.
ЧУП «Вітстрайтэхмаш» вядома далёка за межамі Беларусі, з'яўляецца карпаратыўным партнёрам вядучых вытворцаў грузавых аўто ў СНД: МАЗ, КамАЗ, «Урал», ГАЗ, УАЗ. Яго прадукцыя запатрабавана ў Расіі, краінах Сярэдняй Азіі і іншых рэгіёнах.
– Спыняцца на дасягнутым не збіраемся. Так, неўзабаве плануем пачаць будаўніцтва мультыбрандавага машынабудаўнічага завода на тэрыторыі СЭЗ «Віцебск». Там з'явяцца каля 300 новых працоўных месцаў і некалькі вытворчасцей па выпуску найноўшых гідраўлічных сістэм, фургонаў і грузапад'ёмнага абсталявання (краны маставыя, казловыя, вежавыя, кансольныя). Цэхі зоймуць звыш 20 тыс. кв. м, – падкрэсліў Андрэй Сідараў. – Санкцыі, уведзеныя супраць Беларусі, на дзейнасці прадпрыемства не адбіваюцца, таму што мы прывыклі быць незалежнымі ў тэхналагічным плане. Напрыклад, у нашых пад'ёмніках сёння ўсяго 8% імпартных дэталяў. Але і гэта не мяжа: развіваем вытворчасць, каб пазбавіцца ад неабходнасці набываць нешта за мяжой. Акрамя таго, абмежаванні з боку Захаду паменшылі канкурэнцыю на традыцыйным для нас рынку, што спрыяла павелічэнню заказаў і пашырэнню іх геаграфіі.
Крыніца: vitebsk-region.gov.by
