На Віцебшчыне праходзіць месячнік па пасадцы дрэў і кустоў у населеных пунктах у межах экалагічнай кампаніі Мінпрыроды «Абсталюем малую радзіму».
На Віцебшчыне праходзіць месячнік па пасадцы дрэў і кустоў у населеных пунктах у межах экалагічнай кампаніі Мінпрыроды «Абсталюем малую радзіму».
Па словах начальніка абласнога камітэта прыродных рэсурсаў і аховы навакольнага асяроддзя Марыны Галіч, асноўная ідэя заключаецца ў тым, што кожны жыхар або арганізацыя могуць унесці ўклад у добраўпарадкаванне і азеляненне свайго населенага пункта. Экалагічная кампанія ўключае ў сябе таксама правядзенне суботнікаў, акцый і іншых мерапрыемстваў па навядзенні парадку і добраўпарадкаванні тэрыторый. За тры тыдні кастрычніка энтузіястамі пасаджана больш за 27 тыс. дрэў і кустоў. У тым ліку ў абласным цэнтры, Полацку, Міёрах, Верхнядзвінску, Сянне, Бешанковічах, Навалукомлі, Глыбоцкім, Пастаўскім, Лепельскім, Лёзненскім раёнах. У бліжэйшыя дні акцыя будзе працягнута. У прыватнасці, плануецца закласці сямейныя алеі ў Бегамлі Докшыцкага раёна і Барані Аршанскага. У Віцебску з'явяцца зялёныя насаджэнні па вуліцах Генерала Іваноўскага, Ленінградскай, Бешанковіцкай шашы. Не застанецца ўбаку ад акцыі і абласны каардынацыйны экалагічны савет. У бліжэйшую пятніцу ў Оршы пройдзе выязное пасяджэнне ОКЭС, пасля якога яго ўдзельнікі пасадзяць 60 дрэў у парку Герояў.