13 лістапада, Віцебск /Дзіяна Курыла - БЕЛТА/. У Віцебскай вобласці за два гады дзеяння дэкрэта №10 "Аб стварэнні дадатковых умоў для інвестыцыйнай дзейнасці ў Рэспубліцы Беларусь" заключана 65 інвестыцыйных дагавораў на суму каля Br1,5 трлн., у тым ліку ў 2011-м - 36 дагавораў на Br933 млрд. Пра гэта паведамілі карэспандэнту БЕЛТА ў камітэце эканомікі Віцебскага аблвыканкама. З удзелам замежных інвестараў з пачатку дзеяння дэкрэта падпісана 26 дагавораў, аб'ём замежных інвестыцый па іх ацэньваецца ў $120 млн. Рэалізацыя праектаў будзе ажыццёўлена на працягу 2011-2015 гадоў. Па раней заключаных дагаворах уведзены ў эксплуатацыю 5 аб'ектаў у Віцебскім, Бешанковіцкім, Докшыцкім раёнах, Віцебску. У цяперашні час на тэрыторыі вобласці вядзецца рэалізацыя шэрагу буйных праектаў з удзелам замежных інвестараў. Так, кампанія PDW group s.r.o. (Чэхія) мае намер развіваць інфраструктуру аэрапорта "Віцебск". Плануецца будаўніцтва ангарнага комплексу бізнес-авіяцыі з забеспячэннем магчымасці ангарнага захоўвання і аператыўна-тэхнічнага абслугоўвання паветраных суднаў. Аб'ём інвестыцый складзе 50 млн. еўра. Кампанія Vireo Energy (Швецыя) ажыццяўляе 2 праекты па атрыманні звалачнага газу на палігонах цвёрдых камунальных адходаў у Полацкім і Віцебскім раёнах з агульным аб'ёмам інвестыцый 4,5 млн. еўра. У Мёрскім раёне ЗППСУП "ОксесДомІнвест" (Чэхія) вядуцца работы па праектаванні і будаўніцтве фабрыкі па вытворчасці дамоў з аб'ёмам інвестыцый Br11,1 млрд. Дэкрэт №10 "Аб стварэнні дадатковых умоў для інвестыцыйнай дзейнасці ў Рэспубліцы Беларусь" ад 6 жніўня 2009 года накіраваны на забеспячэнне комплекснага падыходу да працы з інвестарамі. Дакумент дазваляе прадаставіць інвестарам дадатковыя льготы і прэферэнцыі ў рамках інвестыцыйнага заканадаўства. Замацоўваецца таксама адказнасць інвестараў за выкананне ўзятых на сябе абавязацельстваў.-0-

БЕЛТА