4 студзеня, Віцебск /Дзіяна Курыла - БЕЛТА/. Звыш 200 парушэнняў працэдуры здачы ўнаём памяшканняў выявілі падатковыя інспектары ў Віцебскай вобласці ў 2011 годзе, паведамілі карэспандэнту БЕЛТА ў прэс-цэнтры інспекцыі МПЗ па Віцебскай вобласці. У ходзе кантрольных мерапрыемстваў, якія праводзяцца для выяўлення прыхаваных даходаў, атрыманых ад здачы памяшканняў унаём, падатковыя органы выявілі 234 парушэнні. Па выніках праверак дадаткова налічана да выплаты Br47,8 млн. Даналічаныя плацяжы паступілі ў бюджэт. На пачатак снежня 2011 года на падатковым уліку ў інспекцыях Віцебскай вобласці стаялі 9895 грамадзян у якасці падаткаплацельшчыкаў, якія атрымліваюць даходы ад здачы ў арэнду і наём нежылых і жылых памяшканняў і плацяць падаходны падатак у фіксаваных сумах. У параўнанні са снежнем мінулага года колькасць такіх грамадзян узрасла больш чым на 1,7 тыс. чалавек. За 11 месяцаў 2011 года плацельшчыкі гэтай катэгорыі ў бюджэт выплацілі Br1571,1 млн. падаходнага падатку. Аб'ём бюджэтных плацяжоў фізічных асоб, якія здаюць у арэнду памяшканні, у супастаўным параўнанні з аналагічным перыядам мінулага года зменшыўся да ўзроўню 73,2%. У адпаведнасці з заканадаўствам пры здачы жылога памяшкання ўнаём неабходна заключыць у пісьмовай форме дагавор найму, зарэгістраваць дагавор у мясцовым выканаўчым органе або ў арганізацыі, якая ажыццяўляе эксплуатацыю жыллёвага фонду, а таксама выплаціць падаходны падатак у фіксаванай суме, нагадалі ў падатковай інспекцыі. Для асобных катэгорый грамадзян заканадаўствам прадугледжаны льготы.-0-

БЕЛТА