У аграгарадку Копці Віцебскага раёна перапахавалі астанкі 30 воінаў Чырвонай арміі, выяўленыя беларускімі і расійскімі пошукавікамі.

Полевыя пошукавыя работы з 10 па 19 мая праводзілі вайскоўцы 52-га асобнага спецыялізаванага батальёна сумесна з Маскоўскай абласной рэгіянальнай грамадска-патрыятычнай арганізацыяй "Заходні ру_беж". Усяго выяўлены астанкі 30 воінаў, імёны 19 з якіх устаноўлены. Для такога значнага выніку пошукаў гэта рэдкасць. "У мінулым годзе былі ўзняты астанкі 468 чалавек. Гэта чырвонаармейцы і афіцэры Рабоча-сялянскай Чырвонай арміі і мірныя жыхары. І імёны толькі дваіх з тых, хто ў 2021 годзе быў пахаваны, мы ведаем. Сённяшняя жалобная цырымонія для нас асабліва значная, бо праходзіць напярэдадні Дня ўсенароднай памяці ахвяр Вялікай Айчыннай вайны. Хутка мы адзначым чарговую гадавіну пачатку аперацыі "Баграціон" - дату, з якой пачалося вызваленне і Віцебшчыны, і ўсёй Беларусі. Тут знаходзяцца людзі, якія дзясяткі гадоў займаюцца няпростай пошукавай працай. Дзякуй тым, хто з дня ў дзень, з году ў год працягвае гэту святую і вельмі важную для ўсіх нас працу", - сказаў прысутны на цырымоніі перапахавання старшыня Віцебскага абласнога Савета дэпутатаў Уладзімір Церанцьеў.

Сярод чырвонаармейцаў, якія сёння на воінскіх пахаваннях знайшлі свой апошні спакой, былі 19 байцоў асобнага лыжнага батальёна 274-й стралковай дывізіі. Атрад загінуў 31 снежня 1943 года. Ён удзельнічаў у наступальнай аперацыі паблізу вёсак Лобаны і Зазыбы. Менавіта іх імёны сталі вядомыя пошукавікам пасля вывучэння архіваў. "У ваенныя гады няправільна запісалі назву населеных пунктаў, і спачатку мы сталі шукаць не ў тым месцы. Па

Напамяць пра загінулага сваяка, сяржанта Васіля Ісаева, прыехаў з Масквы яго пляменнік – падпалкоўнік міліцыі ў адстаўцы Аляксандр Попаў. Ён расказаў, што па просьбе маці шукаў звесткі пра яе брата з 2009 года. Ён высветліў, што ў дакументы закралася памылка і назвы вёсак пераблыталі, таму пошукавікі і не знайшлі з першай спробы парэшткі чырвонаармейцаў. Дапамог фрагмент карты, дзе пазначаліся менавіта гэтыя вёскі. Яго наклалі на сучасныя геаданыя і высветлілі, дзе размешчана агульная магіла лыжнага батальёна. «Яго выявілі толькі восенню мінулага года. Тут і быў пахаваны мой дзядзька. Да гэтага інфармацыю пра яго я шукаў у архівах Міністэрства абароны, у адкрытых крыніцах. Потым пазнаёміўся з мясцовымі пошукавікамі, якія ўзнялі з зямлі парэшткі ўсіх байцоў батальёна і іншых воінаў-чырвонаармейцаў. На жаль, мама не змагла прыехаць, бо ёй ужо 84 гады, а я прыбыў, каб ушанаваць памяць дзядзькі», – падзяліўся маскоўскі госць.

Крыніца: vitebsk-region.gov.by