У «Зімовым кубку» лідарства ў лепельчан

На картадроме ў РСТЦ Д асааф прайшоў 1 этап спаборніцтваў па зімовым картынгу «Зімовы кубак».

Дыстанцыя спаборніцтва складалася з двух перадфінальных і фінальнага заездаў. Пазіцыя кіроўцы на стартавай рашотцы ў першым перадфінальным заездзе вызначалася па выніку кваліфікацыі, у другім перадфінальным заездзе — па выніку першага перадфінальнага заезду, у фінальным заездзе — па выніку другога перадфінальнага заезду. Парадак старту — усе класы з ходу.
У гонках узялі ўдзел і лепельчане. Спаборнічалі аматараў хуткай язды ў класах «E-Mini», «E-Junior», «Е-Мах».
Тыя, хто картынгам займаецца даўно, ведаюць, што спаборніцтвы праводзяць у любую надвор'е. Гоншчыкам не перашкода дождж, моцны вецер, снег... Спартсмен павінен умець падладжвацца пад розныя ўмовы надвор'я.
Няпростым атрымаўся сцэнар зімовага кубка, які прайшоў на мінулых выхадных. Капрызы надвор'я даставілі спартсменам нямала праблем, прымусіўшы быць максімальна засяроджанымі на кожным метры лядовай трасы. Пілотам даводзілася мчацца міма гурбаў, ды яшчэ і тэмпература паветра трымалася на нізкай адзнацы.
Асабліва было цікава назіраць за больш старэйшымі пілотамі, якім хацелася мацней націснуць на педаль газу. Хто гэта рабіў, проста злятаў з трасы ў гуржаб. І хай быў страчаны час на выезд на трасу, адрэналіну яны атрымалі удосталь.
Вершыня подыума скарылася на гэты раз Станіславу Дзівіну, які дэбютаваў ва ўзроставым класе «Е-Мах». 1-е месца з 11 моцных удзельнікаў — выдатны вынік.
Багдан Смажэўскі ў класе «E-Mini», у якім удзельнічала 11 гоншчыкаў, ехаў 1-м, але ў выніку апынуўся 4-м, бо на перад трэніроўкай захварэў і ўдзельнічаў з тэмпературай. У спартсмена зусім не засталося сіл на фінал!
Вадзім Станкевіч — пачатковец у гонках, удзельнічаў у класе «E-Mini». Нягледзячы на тое, што гэта былі першыя спаборніцтвы, — 7-й у турнірнай табліцы.
Увогуле, усе ўдзельнікі засталіся задаволены ад атрыманых эмоцый і драйву на спаборніцтвах. Віншуем нашых чэмпіёнаў і жадаем надалей не зніжаць планку і не саступаць лідарства іншым спартсменам. Мы ганарымся вамі!
Наталля Храпавіцкая.