У
рабочым візіце Віктара Азарёнка сёння таксама значыліся прамая тэлефонная лінія
і асабісты прыём грамадзян у будынку Лепельскага райвыканкама. Па тэлефоне да
дэпутата звярнуліся 8 жыхароў раёна.
Звароты датычыліся пытанняў бягучага і капітальнага рамонтаў шматкватэрных
дамоў, ямачнага рамонту дарог на тэрыторыі горада і сельскіх населеных
пунктаў, спілоўвання аварыйных дрэў на могілках, пераносу прыпыначнага пункта,
графіка прыёму грамадзян у наступныя месяцы.
Некаторыя пытанні былі зняты падчас гутаркі, частка праблем патрабуюць больш
паглыбленага вывучэння і ўзяты дэпутатам на кантроль.
Мелі патрэбу ў дапамозе народнага абранніка і грамадзяне, якія сёння прыбылі да
Віктара Уладзіміравіча на асабісты прыём. Электрыфікацыя жылога дома, рэгістрацыя
самавольнай пабудовы, рамонт дарожнага пакрыцця, арэнднае жыллё, выкарыстанне
чэкаў "Жыллё" на рэканструкцыю дома - гэтых тэм датычыліся звароты
лепельчан. Усяго на прыём да дэпутата прыйшлі 6 чалавек.
Атрадна, што сярод тых, хто звярнуўся, былі і тыя, хто прыйшоў да чыноўніка не з просьбай
аб дапамозе, а з жаданнем выказаць дэпутату словы падзякі і ўдзячнасці.
— Безумоўна, грамадска-палітычныя мерапрыемствы, шматлікія сустрэчы,
удзел у сумесным акцыях, прыёмы грамадзян, прамыя тэлефонныя лініі — асноўныя
формы працы з насельніцтвам. І самае галоўнае — усё гэта дае магчымасць быць
бліжэй да сваіх выбаршчыкаў: выслухаць і пачуць, чым яны азабочаны, што іх
хвораць. Часам дастаткова проста даць параду, пісьменнае тлумачэнне. Ні адно
пытанне, праблема, прапанова не застаюцца без увагі, нямала перадаюцца на
разгляд у адпаведную профільную камісію Палаты прадстаўнікоў
Нацыянальнага сходу. Важна знайсці аптымальны варыянт рашэння і абавязкова
дапамагчы чалавеку, - пракаментаваў візіт у раён Віктар Азарёнок.
Яна Міснік. Газета "Лепельскі край"