Віцебскае аблспажыўсаюз мае намер інвеставаць у 2023 годзе ў развіццё свайго прамысловага комплексу 3 млн рублёў. Пра гэта паведаміла сёння старшыня праўлення Віцебскага аблспажыўсаюза Таццяна Назарава на пасяджэнні Віцебскага аблвыканкама, на якім разглядаліся вынікі работы арганізацыі за 2022 год і яе задачы на новы гадавы перыяд.

Паводле яе слоў, гэта будуць уласныя і запазычаныя рэсурсы, а таксама сродкі Белкаапсаюза, якія накіруюць на мадэрнізацыю дзеючых цэхаў і вытворчых падраздзяленняў саюза, набыццё новага абсталявання:

- Наша асноўная задача на 2023 год – забяспечыць эфектыўную працу, без выхаду на якую не можа быць і далейшага развіцця. З гэтай мэтай распрацаваны і зацверджаны бізнес-план, які прадугледжвае абнаўленне нарыхтоўчага і прамысловага комплексу. Апошні прадстаўлены больш чым 500 найменнямі нашай уласнай прадукцыі. Перапрацоўваем усё, што нарыхтоўваем: плады, садавіну, гародніну. Напрыклад, мы перапрацавалі больш за 80% аб'ёму нарыхтаваных летась яблыкаў. Такі падыход спрыяе павелічэнню рознічнага тавараабароту і тавараабароту грамадскага харчавання.

Таццяна Назарава адзначыла, што ў цяперашні час 74% тавараабароту аблспажыўсаюза фарміруецца за кошт абслугоўвання вяскоўцаў. Трэць магазінаў арганізацыі знаходзіцца ў населеных пунктах з колькасцю жыхароў менш за 200 чалавек, многія з іх аддаленыя:

- У нашым аўтапарку 115 аўтамагазінаў, якія абслугоўваюць жыхароў 3,8 тыс. вёсак і сёл вобласці. 89% гэтых населеных пунктаў з колькасцю да 50 чалавек. Таму наша сістэма адчувае цяжкасці. Але не ўсе рэзервы для павышэння эфектыўнасці работы вычарпаны. Мы бачым магчымасці развіцця за кошт абнаўлення прамысловага комплексу і павелічэння нарыхтоўчай дзейнасці. Таксама нацэлены на ўдасканаленне гандлёвага абслугоўвання вяскоўцаў, у тым ліку за кошт набыцця новых аўтамагазінаў. Летась з гэтай мэтай арганізацыя закупіла дзевяць машын, у 2023-м плануем папоўніць наяўны аўтапарк яшчэ на восем. Гэта дазволіць павялічыць асартымент за кошт большай зоны выкладкі тавараў.

Закранаючы дзейнасць структурных падраздзяленняў, Таццяна Назарава вылучыла Пастаўскі філіял. За апошні квартал ён вельмі актыўна працаваў: