Уключыце блізкае святло фар!

У сувязі з заканчэннем навучальнага года і пачаткам летніх канікул з 25 мая па 5 чэрвеня ў рэспубліцы пройдзе спецыяльнае комплекснае мерапрыемства МУС "Увага - дзеці!".

Прафілактычная акцыя заклікана прыцягнуць усіх зацікаўленых да праблемы забеспячэння бяспекі дзяцей, павысіць узровень адказнасці бацькоў і кіроўцаў. З гэтай мэтай у дні правядзення мерапрыемстваў рух транспартных сродкаў у светлы час сутак павінен ажыццяўляцца з уключаным блізкім святлом фар або дзённымі хадавымі агнямі.

Запланаваны шэраг прафілактычных мерапрыемстваў для дзяцей і падлеткаў. Асаблівая ўвага будзе сканцэнтравана на правядзенні тлумачальнай працы з дарослымі.

У сувязі з масавай перавозкай дзяцей да месцаў адпачынку надзвычай важна забяспечыць бяспеку маленькіх пасажыраў, выкарыстоўваючы дзіцячыя ўтрымліваючыя прыстасаванні.

У сярэднім 60% непаўналетніх атрымліваюць траўмы ў дарожна-транспартных здарэннях з мая па верасень, большая іх частка - летам, калі дзеці застаюцца без нагляду дарослых.

Беражыце дзяцей, будзьце прыкладам правільных і бяспечных паводзін на дарозе і ў транспарце!