Дэструктыўныя тэлеграм-каналы, якія з нядаўняга часу надавалі інфармацыйным нагодам палітычную афарбоўку, перайшлі да новых сродкаў маніпулявання інтэрнэт-аўдыторыяй.
Дэструктыўныя тэлеграм-каналы, якія з нядаўняга часу надавалі інфармацыйным нагодам палітычную афарбоўку, перайшлі да новых сродкаў маніпулявання інтэрнэт-аўдыторыяй. Акцэнт зрушыўся ў эканамічны бок. Нязменным засталося адно: у ход па-ранейшаму ідуць самыя нечыстаплотныя метады і прыёмы. Мэта адна – выклікаць у чытачоў эмоцыі. Бо калі чалавек эмацыйны, ён гатовы паверыць ва ўсё, што заўгодна.
Так, на адным з такіх тэлеграм-каналаў з'явіліся адкрыта хлуслівыя і правакацыйныя фота, на якіх адлюстраваны незадавальняльныя ўмовы ўтрымання кароў. У подпісе пад ілюстрацыямі пазначана лакацыя: сельгаспрадпрыемства Дубровенскага раёна. Крыніца хлуслівай інфармацыі звязвае такое становішча спраў з нібыта неефектыўнасцю працы створаных у рэгіёне аграхолдынгі і сельгаспрадпрыемстваў, якія ўваходзяць у іх структуру.
Дубровенскі райвыканкам: «Распространяемыя фота зроблены не ў сельгасарганізацыях Дубровенскага раёна. Фэйкавы характар ілюстрацый адлюстроўвае сістэма паення, якая не выкарыстоўваецца ў гаспадарках раёна».
Рэфармаванне АПК, да якога Віцебшчына ішла планамерна і паэтапна, якраз накіравана на павышэнне ўзроўню сельскагаспадарчай вытворчасці. Стварэнне аграпрамысловых аб'яднанняў па Указе №70 ”Аб развіцці аграпрамысловага комплексу Віцебскай вобласці“ – свайго роду перазагрузка аграрнага сектара вобласці. На чале падобных фарміраванняў — 7 флагманаў. Гэта камбінаты і заводы з найбольшай канцэнтрацыяй выручкі і завершаным цыклам вытворчасці: ад поля да прылаўка.
Так, восем сельскагаспадарчых арганізацый Дубровенскага раёна ўваходзяць у склад Аршанскага аграпрамысловага аб'яднання. Кожны з іх нацэлены на нарошчванне аб'ёмаў сельскагаспадарчай прадукцыі для поўнай загрузкі вытворчых магутнасцей перапрацоўваючых прадпрыемстваў. Дзякуючы Указу ў сельгаспрадпрыемстваў, якія мелі да гэтага шэраг назапашаных гадамі фінансавых праблем, што, дарэчы, было стрымліваючым фактарам для паспяховага развіцця, з'явілася магчымасць дасягнуць намечаных вытворчых паказчыкаў.
Ужо цяпер відавочная станоўчая дынаміка. Так, тэмп росту вытворчасці валавой прадукцыі за 2020 год у сельгаспрадпрыемствах Дубровенскага раёна склаў 102% да ўзроўню 2019-га. Да прыкладу, у гаспадарках ААТ «Якубава-Агра» тэмп росту вытворчасці – 115%, ААТ «Герой» – 109%, ААТ «Каманіна» – 111%. Валавая вытворчасць малака дасягнула 38 тысяч тон. Надоі малака на адну карову ў ААТ «Якубава-Агра», КУСГП імя Чарняхоўскага склалі звыш 5 тысяч кілаграмаў. Пры такіх выніках пагалоўе не магло і не можа ўтрымлівацца ў тых умовах, якія адлюстраваны на фота дэструктыўнага тэлеграм-канала.