Паводле інфармацыі Белгідрамета, у бліжэйшы вечар і ноччу ў некаторых раёнах краіны прагназуецца мяцеліца, па заходняй палове захаваецца ўзмацненне ветру парывамі 15-18 м/с. Раніцай і днём у панядзелак на асобных участках дарог чакаецца галалёдзіца. На большай частцы тэрыторыі пройдзе снег, мокры снег. Тэмпература паветра будзе вагацца ад мінуса да плюса.

На нестабільнае надвор'е можа ўскладніць дарожную сітуацыю. Дзяржаўтаінспекцыя нагадвае асноўныя правілы бяспечнага перамяшчэння ва ўмовах снегападу і моцнага ветру:

- перад паездкай ачысціць аўтамабіль ад снегу, асабліва шкла, люстэркі і знешнія святлавыя прыборы, заправіць бачок амывальніка незамярзаючай вадкасцю, пераканацца ў спраўнасці "дварнікаў", ацяплення шкла, люстэркаў і салона;

- выбіраць бяспечную хуткасць, трымаць дыстанцыю і бакавы інтэрвал. Улічваць, што стан праезнай часткі можа рэзка змяняцца на розных участках маршруту;

- планаваць час у шляху з запасам на непрадбачаныя сітуацыі, каб не давялося спяшацца, тым самым ствараючы нервовасць і небяспеку для руху;

- разгоны, тармажэнні і рухі рулём павінны быць максімальна плаўнымі, каб пазбегнуць заносу;

- не дапускаць неабдуманых рэзкіх манеўраў, асабліва абгонаў і апярэджанняў.

Эксплуатацыя аўтамабіля, не абсталяванага зімовымі шынамі або з зносам пратэктара вышэй за дапушчальны, катэгарычна забаронена!

Усе, хто знаходзіцца ў салоне, павінны быць прышпілены рамянямі бяспекі, а дзеці перавозіцца толькі ў дзіцячых утрымліваючых прыладах, устаноўленых згодна з інструкцыяй!

Пешаходам жыццёва важна ва ўмовах дрэннай бачнасці пазначаць сваю прысутнасць на дарозе адзеннем павышанай бачнасці, а ў цемры - абавязкова святлоадбівальнымі элементамі, замацаванымі так, каб кіроўцы вас бачылі! Трымайцеся далей ад праезнай часткі, у тым ліку і ў чаканні пераходу, не закрывайце сабе агляд капюшонам.

Дзяржаўтаінспекцыя вядзе бесперапынны маніторынг стану дарог і іх уборкі ў выпадку багатых ападкаў.

Нарады міліцыі арыентаваны на аказанне дапамогі ўдзельнікам дарожнага руху. Калі ў шляху вы трапілі ў складаную сітуацыю, паведаміце пра гэта па тэлефоне 102 або ў чат-бот МУС "Мы заўсёды побач!"