З гэтага дня да 1 сакавіка неабходна выкарыстоўваць пакрышкі з адпаведнай маркіроўкай і аднолькавым малюнкам пратэктара на адной восі. Патрабаванне не распаўсюджваецца толькі на ўладальнікаў аўтобусаў вагой звыш пяці тон і большгрузаў цяжэйшых за 3,5 тоны, — падкрэслівае начальнік галоўнага ўпраўлення ДАІ МАНС МУС Віктар Ротчанкаў.
Што лічыцца зімовай гумай па новых правілах? Шыны, на якіх адначасова прысутнічаюць два знакі: выява горнай вяршыні з трыма пікамі і сняжынкай унутры, а таксама любы з сімвалаў: M+S, M&S або M S. Яны лічацца зімовымі ў тым ліку пры наяўнасці любых дадатковых абазначэнняў: напрыклад, All Season, Road+Winter (R+W), Any Weather.Шыны, прамаркіраваныя толькі знакам All Season або M+S, у зімовы перыяд выкарыстоўваць нельга! Такія шыны не забяспечваюць надзейнае счапленне пры тэмпературы ніжэй за +7°C і могуць стаць прычынай аварыі, асабліва на абледзянелых або заснежаных дарогах.
Чаму важна мяняць гуму? Нават у бесснежную зіму, калі на дарогах з'яўляецца тонкі пласт лёду або снежная дробка, непрыдатныя шыны павялічваюць тармазны шлях і рызыку заносаў. Асабліва небяспечна ездзіць на старых або непадрыхтаваных пакрышках.
Віктар Ротчанкаў настойліва раіць выбіраць больш мерны стыль кіравання:
- павялічваць дыстанцыю
- рухацца з БЯСПЕЧНАЙ хуткасцю
- пазбягаць рэзкіх манеўраў
- быць асабліва ўважлівымі каля пешаходных пераходаў і на закругленнях дарог.