Сусветны дзень аховы працы – 28 красавіка 2021 г.

У 2003 годзе Міжнародная арганізацыя працы заснавала Сусветны дзень аховы працы, які адзначаецца штогод 28 красавіка.

Дзень аховы працы закліканы звярнуць увагу грамадскасці і дзяржаўных структур на праблемы, звязаныя з няшчаснымі выпадкамі на працоўных месцах і прафесійнымі захворваннямі, на бяспеку працы і лёсы людзей, пацярпелых або загінуўшых на вытворчасці.

Ва ўсіх рэгіёнах свету ўрады, прафсаюзныя арганізацыі, працадаўцы і спецыялісты ў галіне аховы працы арганізуюць мерапрыемствы да Сусветнага дня аховы працы: семінары, круглыя столы, канферэнцыі, віктарыны, месячнікі бяспекі, конкурсы малюнкаў і г.д.

Кожны год тэмы (дэвізы і лозунгі) мяняюцца, але ўсе яны звязаны з забеспячэннем і захаваннем бяспекі людзей на вытворчасці.

У цяперашні час уся сусветная грамадскасць сутыкнулася з беспрэцэдэнтнымі праблемамі ў сувязі з каранавірусам. Пандэмія закранула амаль усе аспекты сферы працы, пачынаючы з рызыкі перадачы віруса на працоўных месцах і заканчваючы рызыкамі ў галіне бяспекі і гігіены працы.

Таму Сусветны дзень аховы працы ў 2021 годзе прысвечаны стратэгіям умацавання нацыянальных сістэм аховы працы ў мэтах павышэння ўстойлівасці да крызісаў цяпер і ў будучыні, абапіраючыся на атрыманыя ўрокі і сусветны вопыт.

Тэма Сусветнага дня аховы працы ў 2021 годзе: Прадухіліць крызіс і быць гатовым да яго – ІНВЕСТАВАЦЬ ЗАРАЗ У АДЭКВАТНЫЯ СІСТЭМЫ АХОВЫ ПРАЦЫ

Зыходзячы з вышэйназванага, рэкамендуем усім арганізацыям, размешчаным на тэрыторыі Лепельскага раёна, правесці мерапрыемствы, прымеркаваныя да Сусветнага дня аховы працы - 2021.

Формы правядзення Дня аховы працы ў Вашай арганізацыі:

– мерапрыемствы па ўдасканаленні сістэм кіравання аховай працы і ацэнкі вытворчых рызык;

- перагляд інструкцый па ахове працы;

– абследаванне структурных падраздзяленняў (аддзелаў, участкаў і інш.) з мэтай праверкі фактычнага стану ўмоў і аховы працы з складаннем акта;

- выданне выніковага дакумента (прыказу, распараджэння) па выніках праведзенага абследавання структурных падраздзяленняў з указаннем мерапрыемстваў па ліквідацыі выяўленых недахопаў і крыніцы іх фінансавання;

- правядзенне лекцый,семінараў, прафілактычных гутарак з работнікамі па пытаннях электрабяспекі, аказання першай дапамогі пацярпелым на вытворчасці і г.д.;

– правядзенне розных мерапрыемстваў па культуры вытворчасці, аглядаў- конкурсаў на лепшую арганізацыю аховы працы ў структурных падраздзяленнях;

– укараненне станоўчага вопыту па стварэнні здаровых і бяспечных умоў працы на кожным рабочым месцы;

– правядзенне сходаў працоўнага калектыву (структурнага падраздзялення), на якіх разглядаюцца пытанні аб стане ўмоў і аховы працы, выкананні раздзелаў калектыўнага дагавора, выкананні работнікамі патрабаванняў законаў і нарматыўных прававых актаў па ахове працы і іншае;

– афармленне стэндаў (вуглоў) «Ахова працы»;

– правядзенне анкетавання сярод работнікаў па пытаннях аховы працы: «пытанне-адказ», «скрыня даверу»;

– выпуск насценгазет і агітацыйнай інфармацыі па пытаннях аховы працы;

– правядзенне дабрачынных акцый, напрыклад: аказанне персанальнай матэрыяльнай падтрымкі або канкрэтнай дапамогі былым работнікам, вызваленым з прычыны траўмы; маючым патрэбу дзеючым работнікам;

Прапануем падвесці вынікі правядзення Сусветнага Дня аховы працы на пасяджэнні камісіі па ахове працы арганізацыі з афармленнем пратакола і з вызначэннем лепшых структурных падраздзяленняў, кіраўнікоў і работнікаў у галіне аховы працы.

Вынікі правядзення Сусветнага дня аховы працы рэкамендуем давесці да ведама ўсіх работнікаў Вашай арганізацыі.

Спадзяёмся, што праведзеныя мерапрыемствы будуць спрыяць прадухіленню няшчасных выпадкаў, зніжэнню верагоднасці захворванняў на працоўных месцах.