Як распавялі намеснік дырэктара па тэхнічных пытаннях Уладзімір Віннік і намеснік дырэктара па вытворчасці Жанна Абашава, «Лепелька» выпускае больш за 40 відаў прадукцыі. Расія, Кітай, Казахстан, Арменія, Кіргізія, Узбекістан, Ліван, Сербія, Сірыя, Емен — жыхары гэтых дзяржаў ведаюць непараўнальны смак нашай малочнай прадукцыі.

Прадпрыемства з'яўляецца пераможцам прафесійных конкурсаў і міжнародных выстаў, зарэкамендавала сябе як надзейны партнёр, які працуе з дваццаццю краінамі свету.