Мэта выставы «Мая Беларусь» нязменная – выклікаць у беларусаў гонар, натхненне, веру ў сябе і сваю краіну, адчуванне супольнасці з яе будучыняй.

Прадэманстраваць, чаго дасягнула наша зямля за гады незалежнасці дзякуючы працы яе народа, іх любові і патрыятызму.

Выстава дазволіць пазнаёміцца з перадавымі дасягненнямі Беларусі ў розных галінах, здзейсніць віртуальныя падарожжы ў асобныя рэгіёны, акунуцца ў традыцыі.

На выставе ўжо працуюць майстры Лепельскага Цэнтра рамёстваў. Землякі пазнаёмяць гасцей з унікальнай культурнай спадчынай Лепельшчыны.