10 кастрычніка, Мінск /Сяргей Вішнеўскі - БЕЛТА/. Хакеісты "Віцебска", адолеўшы 9 кастрычніка віцэ-чэмпіёна краіны гродзенскі "Нёман", перапынілі сваю 12-матчавую серыю паразаў, якая працягвалася са старту 21-га адкрытага чэмпіянату Беларусі па хакеі, паведамляе карэспандэнт БЕЛТА. "Віцебск" - "Нёман" (Гродна) - 5:4 (Корнілавіч, 7, Е.Сцяпанаў, 18, П.Сцяпанаў, 46, у большасці, 56, Ядроец, 55 - Крыстэк, 36, 52, у большасці, Фабуш, 43, у большасці, А.Усенка, 50). Кіды: 24-36 (8-11, 7-7, 9-18). Штраф: 8-8. Варатары: Лук'янаў (88,88% адбітых кідкоў) - Саманькоў (59.11; 79,16% адбітых кідкоў). На 52-й хвіліне гродзенцы, якія пастаянна даганялі саперніка, здолелі выйсці наперад, але ў канцы сустрэчы не толькі не ўтрымалі пераможны лік, але і дазволілі "Віцебску" здабыць першую перамогу ў цяперашнім чэмпіянаце краіны. Для "Нёмана" гэта параза стала другой запар. З чатырох астатніх паядынкаў 14-га тура тры завяршыліся буйнымі паразамі з розніцай у 7 і больш шайб. "Гомель" - "Юніёр" (Мінск) - 8:1 (А.Каласоў, 6, у большасці, Дзмітрыеў, 12, Саламонаў, 34, Цюрыкаў, 36, К.Сцяпанаў, 50, у большасці, Стэфановіч, 51, Жыдкіх, 53, Сусла, 55 - Кобус, 47). Кіды: 53-20 (14-5, 10-9, 29-6). Штраф: 8-12. Варатары: Шабанаў, 94,44% адбітых кідкоў (Шчапко, 50.10; 100% адбітых кідкоў) - Малюцін, 83,33% адбітых кідкоў (Петухоў, 40.01; 86,2% адбітых кідкоў). Пераможная серыя гамяльчан павялічылася да 11 паядынкаў. "Металург" (Жлобін) - "Брэст" - 7:0 (А.Елісеенка, 3, у большасці, Ерэмін, 26, Рамезаў, 40, у большасці, Хлебнікаў, 44, К.Брыкун, 49, у большасці, 56, у меншасці, Дугін, 52, у большасці). Кіды: 43-7 (9-2, 19-3, 15-2). Штраф: 26-36. Варатары: Грышукевіч, 100% адбітых кідкоў - Антон Міцкевіч (83,72% адбітых кідкоў). Жлобінчане больш чым у 6 разоў часцей кідалі ў створ варот, чым сапернік, які за ўвесь матч патрывожыў галкіпера "Металурга" Леаніда Грышукевіча ўсяго 7 разоў. Нават калі б варатар гаспадароў не адбіў ніводнага з гэтых стрэлаў, то жлобінчане, якія закінулі 7 шайб, усё роўна не прайгралі б у асноўны час. Для "Металурга", які не ведае паразаў з пачатку чэмпіянату, чарговая перамога стала ўжо 12-й запар.