28 мая, Віцебск /Алена Ціханава - БЕЛТА/. Гаспадаркі Віцебскай вобласці прыступілі да нарыхтоўкі кармоў, паведамілі карэспандэнту БЕЛТА ў камітэце па сельскай гаспадарцы і харчаванні Віцебскага аблвыканкама.
Актыўна касавіцу траў вядуць Глыбоцкі, Дубровенскі і Талачынскі раёны. Гаспадаркі астатніх рэгіёнаў праводзяць работы выбарачна. Масавая нарыхтоўка кармоў пачнецца ў вобласці праз 2-3 дні.
"Перад гаспадаркамі стаіць задача атрымаць корму высокай якасці. Для гэтага важна не ўпусціць тэрміны і першы ўкос траў правесці да 10 чэрвеня", - падкрэслілі ў аблсельгаспрадзе.
Спецыялісты адзначылі, што ўсе гаспадаркі павінны цалкам забяспечыць наяўны пагалоўе ўласнымі кармамі. Гэта дазволіць пазбегнуць перакідвання сена і сенажу падчас зімоўкі. У разліку на кожную ўмоўную галаву жывёлы неабходна нарыхтаваць 30 ц кармавых адзінак. З іх першым укосам - 16 ц.
"Гэтыя планы абсалютна рэальныя. У рэгіёнах выраслі добрыя травы. Калі не зашкодзяць дажджы, у вобласці будзе створана дастатковая і якасная кармавая база", - запэўнілі спецыялісты.-0-