10 лістапада, Віцебск /Сяргей Кочатаў - БЕЛТА/. Гаспадаркі Віцебскай вобласці ў студзені-кастрычніку павялічылі вытворчасць (вырошчванне) жывёлы і птушкі амаль на 10% у параўнанні з аналагічным перыядам 2010 года да 188,8 тыс.т. Пра гэта карэспандэнту БЕЛТА паведаміў першы намеснік старшыні камітэта па сельскай гаспадарцы і харчаванні аблвыканкама Уладзімір Машэра. Па выніках працы ў студзені-кастрычніку, у вобласці вытворчасць малака вырасла на 3,3% у параўнанні з данымі за 10 месяцаў 2010 года да 572 тыс.т, пры гэтым толькі за кастрычнік выраблена амаль 60 тыс.т малака, а тэмп росту яго вытворчасці склаў 107,7% у параўнанні з кастрычнікам мінулага года. Гэта стала магчымым дзякуючы павышэнню якасці арганізацыі працы ў цэлым у сельгасарганізацыях і паляпшэнню якасных паказчыкаў нарыхтаваных кармоў. У бягучым годзе на ўмоўную галаву жывёлы нарыхтавана амаль 30 ц кармавых адзінак, што больш чым на 20% перавышае аналагічны паказчык 2010 года. Пры гэтым якасць кармоў значна вышэй узроўню мінулага года па бялку і пажыўных рэчывах, што дазволіла з пачаткам стойлавага перыяду ўтрымання жывёл пазбегнуць страт малака і выйсці на станоўчую дынаміку яго вытворчасці, адзначыў Уладзімір Машэра. У вобласці за 10 месяцаў таксама павялічылася вытворчасць яек на 2%, якая склала звыш 328,5 млн. штук. Нягледзячы на складанасці з фінансаваннем будаўніцтва жывёлагадоўчых аб'ектаў, гаспадаркі нарошчваюць колькасць пагалоўя жывёлы. Так, у студзені-кастрычніку колькасць буйной рагатай жывёлы вырасла на 2,4% да 613,2 тыс. галоў, колькасць свіней павялічылася на 7,4% да 512,4 тыс. галоў. Акрамя таго, у вобласці ўдалося выйсці на станоўчую дынаміку па пагалоўі цялят, колькасць якіх вырасла больш чым на паўтысячы да 183,3 тыс. галоў (тэмп росту склаў 100,3% у параўнанні са студзенем-кастрычнікам 2010 года), а таксама па парасятах, колькасць якіх вырасла на 10% да 738,7 тыс. галоў. У цэлым усе жывёлагадоўчыя памяшканні падрыхтаваны да зімовых умоў эксплуатацыі, за выключэннем асобных недапрацовак, якія будуць устранены ў працоўным парадку да наступлення маразоў. Жывёлы ў стойлах пераведзены на зімовы рацыён харчавання.-0-

БЕЛТА