12 ліпеня, Віцебск /Вольга Багачова - БЕЛТА/. XXI Міжнародны фестываль мастацтваў "Славянскі базар у Віцебску" адкрые нямала новых талентаў. Такое меркаванне выказаў у прывітанні гасцям і ўдзельнікам XXI Міжнароднага фестывалю мастацтваў "Славянскі базар у Віцебску" Прэзідэнт Украіны Віктар Януковіч, перадае карэспандэнт БЕЛТА з канцэрта ўрачыстага адкрыцця фестывалю. "Дарагія сябры, прыемна, што беларуская зямля традыцыйна гасцінна сустракае ўкраінскіх выканаўцаў, якія не раз станавіліся лаўрэатамі конкурсаў, прадстаўляючы непаўторныя каштоўныя творы Украіны, багатыя культурныя традыцыі. Веру, што цяперашні "Славянскі базар у Віцебску" адкрые нямала новых творчых асоб, дапаможа станаўленню прафесійнага майстэрства маладых артыстаў", - адзначыў у віншаванні Віктар Януковіч. Прэзідэнт Украіны пажадаў удзельнікам Міжнароднага фестывалю мастацтваў "Славянскі базар у Віцебску" у поўнай меры скарыстацца магчымасцямі і перспектывамі, якія адкрывае перад імі гэты прэстыжны форум.-0-

БЕЛТА