11 кастрычніка, Віцебск /Дзіяна Курыло - БЕЛТА/. За парушэнне аднаго з артыкулаў Мытнага Кодэкса Мытнага саюза ў Віцебскай вобласці затрыманы грузавы аўтамабіль коштам Br800 млн., паведамілі карэспандэнту БЕЛТА ў Віцебскай мытні. Пры правядзенні спецыяльнага мерапрыемства супрацоўнікамі аддзела па барацьбе з кантрабандай і адміністрацыйнымі мытнымі правапарушэннямі Віцебскай мытні з удзелам Наваполацкага міжраённага аддзела УДФР КДК затрыманы грузавік з паўпрычэпам, які перавозіў з Беларусі ў Расію станок, поліфасфат і поліэтылен. Пры праверцы было ўстаноўлена, што аўтамабіль зарэгістраваны ў Эстоніі і не мае дазволу на ўнутраныя перавозкі ў Мытным саюзе. Такім чынам, былі парушаны патрабаванні арт.344 Мытнага кодэкса МС. Як растлумачылі ў мытні, гэта парушэнне мае прыкметы адміністрацыйнага правапарушэння, прадугледжанага арт.14.5 КоАП Беларусі (недэклараванне тавараў і транспартных сродкаў), якое цягне накладанне штрафу ад 20 да 5 тыс. базавых велічынь з канфіскацыяй незадэклараваных тавараў або транспартных сродкаў. Аналагічныя меры па канфіскацыі кантрабанды прымяняюцца ў многіх еўрапейскіх дзяржавах. Аўтамабіль "Івека" 2007 года выпуску, паўпрычэп Monotrans Servis затрыманы. Праводзіцца далейшая праверка.-0-

БЕЛТА