За першае паўгоддзе 2025 года ў Лепельскім раёне нарадзіўся 71 дзіця, і, што дзіўна, дзяўчынак нарадзілася значна больш, чым хлопчыкаў: 43 дзяўчынкі і 28 хлопчыкаў.

Першымі ў сям'і нарадзіліся 26 дзетак, другімі — 20, трэцімі — 18, чацвёртае дзіця з'явілася ў пяці сем'яў. А адна сям'я папоўнілася восьмым малышом!

На такую вялікую сям'ю адважваюцца нячаста: да 2025 года лепельчане ў восьмы раз станавіліся бацькамі толькі ў 2001 годзе!

Найчасцей дзяўчынак называлі Сафія, Аляксандра і Злата, хлопчыкаў — Цімафей і Аляксандр.

Бацькамі большасць лепельчан станавіліся ў сярэднім ва ўзросце 32 гады — мужчыны і 29 гадоў — жанчыны. Самай маладой стала матуля ва ўзросце 15 гадоў, маладому бацьку споўнілася 19 гадоў. Самы «дарослы» бацька праз два тыдні пасля нараджэння сына святкаваў свой 60-гадовы юбілей, а самай «дасведчанай» стала мама ва ўзросце 43 гады.