26 лістапада, Віцебск /Кар. БЕЛТА/. Сумарная запазычанасць плацельшчыкаў Віцебскай вобласці перад бюджэтам за месяц скарацілася на Br2,9 млрд., паведамілі карэспандэнту БЕЛТА ў прэс-цэнтры інспекцыі МПЗ Рэспублікі Беларусь па Віцебскай вобласці. Па стане на 1 лістапада бягучага года сумарная запазычанасць плацельшчыкаў перад бюджэтам склала Br6,5 млрд. і ў параўнанні з 1 кастрычніка бягучага года знізілася на Br2,9 млрд. рублёў. За юрыдычнымі асобамі розных форм уласнасці застаецца найбольшая сума запазычанасці - 99,6%. Даўгі фізічных асоб - плацельшчыкаў маёмасных падаткаў складаюць Br0,02 млрд. Як падкрэслілі ў прэс-цэнтры, ліквідацыя запазычанасці суб'ектаў гаспадарання па падатковых плацяжах застаецца адной з галоўных задач, якія стаяць перад падатковай службай. У студзені-кастрычніку бягучага года падатковымі інспекцыямі Віцебскай вобласці ў выніку комплексу мер у прымусовым парадку ў бюджэт спагнана Br318,5 млрд., што складае 3,7% ад агульнай сумы бюджэтных паступленняў за дзесяць месяцаў бягучага года. Сярод прынятых мер з бягучых і валютных рахункаў даўжнікоў спісана Br15,3 млрд. За кошт спісання дэбіторскай запазычанасці перад суб'ектамі-даўжнікамі ў бюджэт прыцягнута Br288,4 млрд. У парадку правядзення ўзаемазалікаў па даўгах суб'ектаў гаспадарання і мясцовым бюджэтам паменшана запазычанасць па плацяжах у бюджэт на Br6,9 млрд.-0-

БЕЛТА