Залог паспяховай паездкі на ровары

Веласіпед з'яўляецца транспартным сродкам, але не з'яўляецца «механічным транспартным сродкам». Таму, калі ў ПДД напісана «транспартны сродак», то гэта адносіцца і да веласіпедаў.
Веласіпедыст, як кіроўца павінен выконваць правілы дарожнага руху і памятаць аб адказнасці, якая ляжыць на ім.

Згодна з Правіламі дарожнага руху, рухацца на веласіпедзе дазволена па веладарожцы, а пры яе адсутнасці — па абочыне, тратуары або пешаходнай дарожцы, не ствараючы перашкоды для бяспечнага руху пешаходаў.

Веласіпедысту забараняецца:
• рухацца, не трымаючыся за руль або не трымаючы ногі на педалях;
• перавозіць пасажыраў, за выключэннем выпадкаў перавозкі дзяцей ва ўзросце да 7 гадоў на дадатковым спецыяльна абсталяваным сядзенні;
• перавозіць груз, які выступае больш чым на 0,5 метра па даўжыні або шырыні за габарыты, або груз, які перашкаджае кіраванню;
• паварочваць налева або разварочвацца на дарогах з трамвайным рухам і на дарогах, якія маюць больш адной паласы для руху ў дадзеным напрамку (у гэтым выпадку трэба слезці з веласіпеда і перайсці дарогу па пешаходным пераходзе);
• буксіроўка веласіпеда і веласіпедам, за выключэннем веласіпеднага прычэпа прамысловай вытворчасці.

Пры руху па дарозе ў цёмны час сутак і пры яе недастатковай бачнасці на веласіпедзе павінны быць уключаны: спераду – ліхтар, які выпраменьвае белае святло, ззаду – ліхтар, які выпраменьвае чырвонае святло.

Пры перасячэнні праезнай часткі дарогі па пешаходным пераходзе веласіпедыст павінен весці веласіпед побач з сабой і кіравацца патрабаваннямі, прадугледжанымі Правіламі для руху пешаходаў.

Дзяржаўтаінспекцыя УУС Віцебскага аблвыканкама заклікае ўсіх удзельнікаў дарожнага руху строга выконваць Правілы дарожнага руху. Кіроўцам аўтамабіляў трэба ўважлівей ставіцца да веласіпедыстаў, паколькі ДТЗ з іх удзелам маюць самыя цяжкія наступствы. А кіроўцам «двухколавых» транспартных сродкаў неабходна вывучыць і строга выконваць правілы дарожнага руху і меры асабістай бяспекі.