Забарона на наведванне лясоў уведзена ў 53 раёнах Беларусі. Такая інфармацыя размешчана на сайце Міністэрства лясной гаспадаркі, паведамляе БЕЛТА.
Абмежаванні дзейнічаюць у Полацкім, Сенненскім і Шаркаўшчынскім раёнах Віцебскай вобласці, Маларыцкім і Баранавіцкім раёнах Брэсцкай вобласці, шасці раёнах Гродзенскай (Астравецкім, Смаргонскім, Ашмянскім, Іўеўскім, Лідскім і Воранаўскім), 10 раёнах Магілёўскай (Краснапольскім, Касцюковіцкім, Хоцімскім, Быхаўскім, Асіповіцкім, Шклоўскім, Магілёўскім, Чавускім, Глускім і Бялыніцкім), 13 раёнах Мінскай (Стаўбцоўскім, Дзяржынскім, Мінскім, Смалявіцкім, Слуцкім, Старадарожскім, Салігорскім, Любанскім, Барысаўскім, Валожынскім, Уздзенскім, Пухавіцкім і Чэрвеньскім) і амаль па ўсёй Гомельскай вобласці (акрамя Акцябрскага і Жыткавіцкага раёнаў).
Рашэнні па ўвядзенні і зняцці забароны на наведванне лясоў прымаюцца мясцовымі органамі ўлады па хадайніцтве лесагаспадарчых устаноў або раённых аддзелаў па надзвычайных сітуацыях. На сайце Мінлясгаса размешчана інтэрактыўная карта, па якой можна адсочваць увядзенне і зняцце абмежаванняў у сваім рэгіёне (http://www.mlh.by/maps/map.php). Карта аператыўна абнаўляецца.
Для ліквідацыі лясных пажараў у Мінлясгаса ёсць 257 пажарна-хімічных станцый, а таксама 660 пунктаў супрацьпажарнага інвентару, якія ўкамплектаваны неабходнай колькасцю сродкаў пажаратушэння. Выкарыстоўваюцца 545 пажарных аўтамабіляў, больш за 360 бочак для падвозу вады, 355 лесапажарных модуляў для аператыўнага тушэння, 1803 мотапомпы і 12,6 тыс. ранцавых аплікатары, больш за 1 тыс. глебаапрацоўчых прылад для пракладкі мінералізаваных палос. Для ранняга выяўлення лясных пажараў створана сетка з больш чым 620 пажарна-назіральных вышак і мачтаў, з іх звыш 530 абсталяваны сродкамі відэаназірання.
У Беларусі ўсталявалася анамальна гарачае надвор'е з тэмпературным фонам значна вышэй за кліматычную норму, што абумовіла павышэнне ўзроўню пажарнай небяспекі. Спякота захаваецца да канца тыдня. Будзе пераважна без ападкаў, магчымы невялікія дажджы лакальнага характару. Аранжавы ўзровень небяспекі з-за спякоты аб'яўлены ў Беларусі на 13-15 чэрвеня.