Сёння ў Віцебску праходзіць сесія абласнога Савета дэпутатаў

На парадак дня вынесена справаздача старшыні аблсавета Дзмітрыя Дзямідава аб праведзенай рабоце, а таксама дзейнасці прэзідыума і становішча спраў у населеных пунктах Віцебшчыны.

Кіраўнік дэпутацкага корпуса вобласці падкрэсліў, што праца ўсіх органаў улады накіравана на паступальнае паляпшэнне ўмоў жыцця людзей і павышэнне іх дабрабыту за кошт эфектыўнага выкарыстання і ўмацавання эканамічнага патэнцыялу і сацыяльнай інфраструктуры.

Удзел у сесіі таксама прымаюць дэпутаты Палаты прадстаўнікоў Нацыянальнага сходу Рэспублікі Беларусь, кіраўнікі і актыў дэпутацкага корпуса Лепельшчыны.