29 мая, Віцебск /Дзіяна Курыло - БЕЛТА/. Жыхар Латвіі спрабаваў незаконна ўвезці на тэрыторыю Беларусі фотааб'ектывы на суму каля Br120 млн., паведаміў карэспандэнту БЕЛТА памочнік начальніка Полацкага пагранатрада Дзяніс Глебко. Мужчына ўязджаў у Беларусь з Латвіі ў пункце пропуску "Урбаны" (Віцебская обл.) на аўтамабілі Audi. У ходзе звычайнага дагляду, які праводзяць памежнікі і мытнікі, былі выяўлены 40 фотааб'ектываў, якіх не было ў мытнай дэкларацыі. Месцам іх складання стала ніша для запаснага кола ў багажніку. Незаконны груз канфіскаваны. Па дадзеным факце вядзецца разбіральніцтва. Як адзначыў Дзяніс Глебко, спробы правозу кантрабанднай складанай оптыкі праз мяжу не адзінкавыя, аднак на мяжы з Латвіяй такі выпадак зафіксаваны ўпершыню.-0-

БЕЛТА