Суботняя раніца ў лепельскім лесе была ідэальнай для спорту! Яркае сонца, хрусткая лістота пад нагамі і неверагодная атмасфера падтрымкі — менавіта так прайшоў традыцыйны восеньскі крос.

На старт выйшлі: каманды ад РЭС, лясгаса, пансіяната «ЛОДЭ», «Лепелька», а таксама зборныя СШ1, СШ3, гімназіі, Бараўскай і Заслаўскай школ і каледжа. Але галоўнымі заўзятарамі сталі... дзеці і чацвераногія сябры спартсменаў! Іх апладысменты і крыкі «давай!» сталі лепшым допінгам для ўдзельнікаў.

І вось яны — нашы каманды-пераможцы!

Сярод навучэнцаў:
1 месца - Лепельскі каледж
2 месца - Бараўская СШ
3 месца - Заслаўская СШ

Сярод арганізацый:
1 месца - Пансіянат «ЛОДЭ»
2 месца - Лепельскі лясгас
3 месца - Лепельскі МКК

18 чалавек. 18 гісторый. 18 асабістых перамог на дыстанцыі!

Менавіта столькі адважных — мужчын і жанчын розных узростаў — кінулі выклік сабе і трасе ў асабістым заліку на традыцыйным кросе ў Лепелі. Жанчыны беглі 2,5 км., мужчыны — 5 км. Пакуль яны змагаліся за асабістае першынство, іх падтрымлівалі каманды, а таксама самыя мілыя заўзятары — дзеці і гадаванцы!

Рэспект кожнаму з удзельнікаў асабістага заліку! Ваша сіла духу — гэта і ёсць галоўны прыз.

Віншуем усіх удзельнікаў і пераможцаў! Вы даказалі, што восень — не час для нуды, а лепшы нагода для спартыўных перамог і яркіх эмоцый.

Лепель, цяпер ты зараджаны спартыўнай энергіяй! Да наступнага года!