30 снежня, Віцебск /Дзіяна Курыло - БЕЛТА/. Зоры беларускага спорту падарылі сёння цяпло сваіх сэрцаў выхаванцам дзяржаўнай дзіцячай бальніцы змешанага тыпу Наваполацка, паведаміў карэспандэнту БЕЛТА сярэбраны прызёр Алімпійскіх гульняў у Пекіне 2008 года, прызёр чэмпіянатаў свету і Еўропы, старшыня Наваполацкай гарадской арганізацыі грамадскага аб'яднання "Белая Русь" Вадзім Дзевятоўскі. Зборная міласэрнасці ў складзе Вадзіма Дзевятоўскага, чэмпіёнкі Еўропы па мастацкай гімнастыцы Любові Чаркашынай, прызёраў Алімпійскіх гульняў па мастацкай гімнастыцы Ксеніі Санковіч, Анастасіі Іванковіч, а таксама іх калег па зборнай Марыны Ганчаровай прывезлі малышам з дзіцячага дома падарункі - спартыўны інвентар. А яшчэ беларускія грацыі паказалі дзецюкам невялікі адрывак са сваёй праграмы. Як адзначыў Вадзім Дзевятоўскі, гэта не першае наведванне спартсменамі дзіцячага дома. "Побываўшы тут адзін раз, убачыўшы гэтых дзетак, хочацца дапамагчы ім, падтрымаць, таму мае сябры з нацыянальнай зборнай па мастацкай гімнастыцы з задавальненнем адгукнуліся на прапанову далучыцца да рэспубліканскай акцыі "Нашы дзеці" і напярэдадні новага года прыехаць у госці ў Наваполацк", - распавёў алімпіец. Яшчэ адзін казачны падарунак спартсмены падрыхтавалі для спецыялізаванай дзіцяча-юнацкай школы алімпійскага рэзерву аддзела фізічнай культуры, спорту і турызму Наваполацкага гарвыканкама. Любоў Чаркашына, Ксенія Санковіч, Анастасія Іванковіч, Марына Ганчарова далі майстар-клас для юных гімнастак, якіх рыхтуе гэтая школа.-0-

БЕЛТА