У мінулую суботу ў ваеннай часці, якая дыслакуецца ў пасёлку Бароўка, прынялі прысягу на вернасць Радзіме 78 салдатаў тэрміновай службы. У далейшым яны будуць праходзіць службу ў 231-ай артылерыйскай брыгадзе, 191-ай групе артылерыі, 52-ім асобным пошукавым батальёне і іншых часцях Заслонаўскага гарнізона. Святы рытуал стаў святам як для саміх маладых воінаў, так і для іх родных і блізкіх, для якіх у часці быў наладжаны дзень адкрытых дзвярэй.