Ураджэнец Лепеля Аляксандр Балотнік добра вядомы як кампазітар, які напісаў музыку на цудоўны верш беларускага паэта Аляксандра Лягчылава “Чарка на пасашок”. У выніку плённага творчага ўзаемадзеяння атрымалася па-сапраўднаму народная, застольная песня, сучасны хіт, які не губляе сваёй папулярнасці ўжо на працягу доўгага часу. Не выпадкова “Чарка на пасашок” уключана ў “Залатую калекцыю беларускіх песень”, складзеную па ініцыятыве Міністэрства культуры Рэспублікі Беларусь і тэлеканала “Сталічнае тэлебачанне”, трансліравалася разам з іншымі беларускімі музычнымі шэдэўрамі ў вячэрнім калядным эфіры 7 студзеня.

 І вельмі прыемна, што Аляксандр не забывае сваю малую радзіму. На мінулагоднія Каляды ён з вялікім поспехам у якасці спевака выконваў свае аўтарскія песні на імправізаванай сцэне каля раённага Дома культуры, ды і сёлета завітаў у госці да нас, парадаваў землякоў сваім чарговым эстрадным выступленнем.

Мікалай ГАРБАЧОЎ.
 На здымку: Аляксандр Балотнік на Калядах у Лепелі.
 Фота аўтара.