У цэнтры аграгарадка Камень знаходзіцца брацкая магіла савецкіх воінаў, партызан і ахвяр фашызму. Тут пахаваны 83 воіны і партызаны, якія загінулі ў баях супраць нямецка-фашысцкіх захопнікаў у 1943-1944 гадах, і 22 мірныя жыхары, расстраляныя гітлераўцамі ў Вялікую Айчынную вайну. У 1964 годзе на магіле быў пастаўлены помнік – скульптура воіна. У мінулым годзе гэтую брацкую магілу і помнік на ёй добраўпарадкавала Лепельскае камунальнае рамонтна-будаўнічае ўнітарнае прадпрыемства “Будаўнік”, на што было патрачана 106 мільёнаў рублёў, у тым ліку 65 мільёнаў было выдзелена з абласнога бюджэту, 41 – з мясцовага.