18 марта 2013

На пачатку пасяўной

З мэтай своечасовага і якаснага правядзення пасяўной кампаніі калегія ўпраўлення сельскай гаспадаркі і харчавання і райкам прафсаюза работнікаў АПК пастанавілі арганізаваць раённае аператыўнае спаборніцтва сярод сельгаспрадпрыемстваў і механізатараў. Вынікі спаборніцтва будуць падводзіцца штотыднёва, лепшыя – атрымаюць узнагароды за кошт грашовых і матэрыяльных сродкаў сельгаспрадпрыемстваў. Асноўнымі крытэрыямі лічыцца найбольшы працэнт пасеяных плошчаў (для прадпрыемстваў), выпрацоўка на асобных відах работ (для механізатараў). Перадавікі будуць штотыднёва заносіцца на Дошку гонару, якая публікуецца ў раённай газеце “Лепельскі край”.

Васіль ЧАРЭДНІК,
начальнік упраўлення па сельскай гаспадарцы і харчаванні,
Сяргей МАРЦІНОВІЧ,
старшыня раённай арганізацыі прафсаюза работнікаў АПК.