14 сентября 2010

Падзяка ад міністра

 На педагагічнай нарадзе калектыву дзіцячай школы мастацтваў (ДШМ) былому дырэктару Лепельскай музычнай школы Арцёму Палонскаму было ўручана падзячнае пісьмо міністра культуры Паўла Латушкі за шматгадовую плённую творчую працу на ніве культуры.

 У той час музычная школа месцілася ў невялікай драўлянай пабудове, шмат гастралявала з выступленнямі па раёне і за яго межамі. У тыя часы, калі пра тэлебачанне і магнітафоны ўвогуле не чулі, а грамафон і радыё былі вялікай рэдкасцю, дужа цанілася жывая музыка.

 Напрыканцы прамовы Арцём Маркавіч расчулена сказаў:
- Шчырай, белай зайздрасцю зайздрошчу вам зараз. У вас такая вялікая школа, вы маеце магчымасць займацца рознапрофільнымі відамі творчасці: вы танцуеце, малюеце, граеце на музычных інструментах, робіце пастаноўкі на сцэне. Зычу вам здароўя, шчасця і любові!

Васіль МАТЫРКА
Фота аўтара

На здымку: Арцём Палонскі і Тамара Бароха